«Башҡортостан Республикаһы мәктәпкәсә белем биреү ойошмаларында туған телдә белем биреүсе йыл педагогы» республика конкурсы дауам итә.

Бөгөн тәрбиәселәр “Ата-әсәләр менән мәғрифәтселек сараһы” конкурс этабында көс һынашты. Әңгәмә йәнле, ике яҡ өсөн дә фәһемле булды.

I турҙа бәйгеселәр үҙҙәренең педагогик оҫталығын, ата-әсәләр, балалар менән эшләү тәжрибәһен, ижади һәләтен күрһәтте. Әлбиттә, һәр ярыштың иң көслөләре, һәр бәйгенең еңеүселәре була.

I тур һөҙөмтәләре буйынса 15 финалист билдәләнде.

Киләһе конкурс этабы – “Оҫталыҡ дәресе”. Ул М.Аҡмулла исемендәге Башҡорт дәүләт педагогия университетында үтә.