«Башҡортостан Республикаһы мәктәпкәсә белем биреү ойошмаларында туған телдә белем биреүсе йыл педагогы» республика профессиональ конкурсының I туры артта ҡалды.
Тәрбиәселәр “Интернет-ресурс” конкурс этабында үҙҙәренең алдынғы эш тәжрибәһен, һөнәри үҫешен, йәғни методик портфолиоһын сайттарында яҡтыртты.
«Балалар менән педагогик сара» конкурс этабында педагогтар рухлы, бай йөкмәткеле дәрес өлгөләре менән ҡыуандырҙы.
I тур һөҙөмтәләре буйынса 15 финалист билдәләнде, улар конкурстың икенсе турында бәйгене дауам итә.
Киләһе тур — “Педагогик оҫтахана” 19 февраль Мәғарифты үҫтереү институтында үтә.